$671 miriona!
Kotahi rau kupu (kāore i kō atu, kāore i kō mai) #265
Kātahi tonu ka pānuitia e Rerewei Aotearoa te whakapau pūtea e $671 miriona mō te hoko wakatere i whakakorea pōnānātia e te minita i te Tīhema 2023.
Ka mutu, kāore anō ngā patapatai o Tīhema 2024 (Te Korimako #20) kia whakautua, arā, he aha te utu mō ngā wakatere hou, ko wai ngā kaiwaihanga, āhea aua waka e tae mai ai?
Engari, me uaua kē ka kitea tētahi paku pakirēhua mā runga i ngā arapāho auraki e hāngai pū ki tēnei take e tārewa tonu ana.
Āe rānei, he hoa mirimiri tuarā noa iho aua arapāho auraki me te kāwanatanga?
