Āe mārika ka teka (2)

Kotahi rau kupu (kāore i kō atu, kāore i kō mai) #96

I taku wā tipu he kaimahi taku pāpā o te Manatū Hiko, he ringa whakahaere teihana hiko kei te awa o Waikato. Ka mutu, ko ia tētahi o te tokoiti i whakahaere i te tuku hiko mō Te Ika-a-Māui whānui.

I tērā wā, nō taua manatū kāwanatanga ngā teihana katoa, me te hanganga hei tuku hiko ki ngā kāinga. Nō ngā kaipōti (ngā kaiutu tāke), i pōti te kāwanatanga, te mana whakamutunga.

Ināianei kua hokona aua hanganga kia maha ngā pākihi tātāwhāinga kia whiwhi huamoni mā ngā kaipupuri hea.

Nā konā kua heke te utu hiko?

Āe mārika ka teka!