Āe rānei…?

Kotahi rau kupu (kāore i kō atu, kāore i kō mai) #411

Kātahi te whakahīhī o ngā kaikawe kōrero e whāwhā ai i te ao o te hunga whai rawa mutunga kore i te wā hararei nei.

Tērā tētahi hōtēra i Tāhuna, ki te taha o Whakatipu Waimāori. He $5,000-$50,000 te utu ā-rūma, ā-pō!

Āe rānei he tohu tēnā o te pai haere o te ōhanga o Aotearoa nei?

Ina kitea ngā pūrongo pīataata e whakanui ana i ngā momo hararei e kōrerohia ana, tērā pea, ka kī mai, “Āe. Kei te pai haere te ōhanga.”

Engari, ina āta whakaarohia te tokomaha e rawakore tonu ana ka mōhio:

Tēnā pōhēhē tēnā!