Ānō nei...
Kotahi rau kupu (kāore i kō atu, kāore i kō mai) #443
Kua pānuitia te whakatau rorirori rawa a te kāwanatanga kia whakapau i te $2.7piriona hei hanga i tētahi wāpu motuhake.
Kia aha?
Kia taea ai te kawe te kapuni mai i whenua kē.
Kia aha?
Kia whāngai i ētahi pukuhiko ki te kapuni.
Ānō nei mā te kapuni utu nui e whakatika te mākete hiko tino pakaru rawa.
Auare ake!
Engari kei te tino tautoko ahau, pau te kaha, i te pūrongo a Te Kauae Kaimahi.
Nāna i āta whakamahuki tētahi huarahi kia whakatūmatanuitia ai te pūnaha hiko o Aotearoa hei ratonga kāwanatanga.
Mā konā e tika ai.
