Aroha atu...
Kotahi rau kupu (kāore i kō atu, kāore i kō mai) #98
E rangatira ana te whakapaoho a Whakaata Māori i te Matatini ki te Kāhui Maunga. Ahakoa kua kore au i tae ā-tinana atu, ka rangona te ihi, te wehi, me te wana.
E kounga ana te reo me ngā kaupapa e whakaatuhia ana e ngā kapa.
Nā konā i huri ōku whakaaro ki ngā kaumātua i whakatō i tēnei reo ki roto i ahau i te wā kua kore i te pērā te rere o te reo.
Aroha atu ahau i te kite i ō rātou uri ake kua tae atu ki te taumata tiketike o te ao kapa haka.
