Aroha atu

Kotahi rau kupu (kāore i kō atu, kāore i kō mai) #381

Inanahi ka tukua ki ngā mema pāremata o Aotearoa Tuatahi te pētihana a Te Oati a Hopihana kia whakamana ā-ture a Aotearoa i Te Reo Ingarihi.

Ina whakaturea, me mihi ka tika rānei tātou ki Aotearoa Tuatahi, ki Te Oati a Hopihana hoki?

Tērā pea.

Mā te whakamana ā-ture, ki Aotearoa nei, kāore rawa te reo Ingarihi e mate ā-moa.

Mā konā hoki, kāore te tangata reo Ingarihi e whakarautia, kāore hoki te tamaiti reo Ingarihi e patua.

Ānō nei, kei runga noa atu ngā raruraru reo e pā tika ana ki ngā tāngata reo Ingarihi noa iho.

Aroha atu!