Auahi kore?
Kotahi rau kupu (kāore i kō atu, kāore i kō mai) #353
He tuatahitanga ā-ao te Ture Whakatipuranga Auahi Kore (2022) o Aotearoa.
Engari i whakaturea pōnānātia ai e te kāwanatanga hou te whakakore o taua ture auahi kore, ānō nei he tino take mate whawhati tata.
Me te aha anō, nā te tūpou a te kāwanatanga ki ōna hoa patipati o Tūpeka Nui, ka tiro pī mai ināianei ngā whenua i whai kē i tō tātou Ture Whakatipuranga Auahi Kore.
Me tiro pī hoki tātou ki ngā hononga maminga o ngā minita kāwanatanga ki Tūpeka Nui, nāna ngā whakaritenga o te ture hou i āta whakatakoto hei painga mā rātou ake.
