Auē, taukuri e!
Kotahi rau kupu (kāore i kō atu, kāore i kō mai) #457
E mōhio whānuitia ana te kōhuru o Malachi Subecz, he tamaiti e rima noa iho ōna tau, i te tau 2021.
Nā konā kua āta arotakengia te mahi a ngā umanga e ono e whai pānga ki taua mate whakaharahara. Nō te tau 2022 ka whakatūria e aua umanga tētahi arotakenga motuhake, ā, nāna i whakatakoto ētahi taunaki 14.
Engari, ahakoa i whakaae katoatia aua taunaki e te kāwanatanga, e rua noa iho i whakatinanatia ai!
Ka mutu, nō ngā tau 2021-2025, e rua tekau mā whā ngā tamariki i patua e ō rātou kaitiaki kia mate!
Auē, taukuri e!
