Auē! Te Karere!
Kotahi rau kupu (kāore i kō atu, kāore i kō mai) #337
Nō te tau 2016 ka whakaūngia Te Ture mō te Reo Māori e Nāhinara mā. Ka mau te wehi!
I ēnei wā e āta turakina tinihangatia ana ngā pou o taua ture e Nāhinara mā anō, ahakoa ka tū tonu te ture.
Koinā te tino take o te pūrongo a Te Rōpū Whakamana i te Tiriti. Nāna i whakapae, kua tino hē ā-ture te kāwanatanga i tana kore ū tonu ki te whakaora i te reo i whakaturea kētia e tā rātou ture reo Māori ake.
E hika! Kātahi tonu rātou ka whakamimiti i te pūtea mā Te Karere!
Auē!
