Te Korimako (2024)

Ko Te Irimana te ingoa kārangaranga o tōku tīpuna, ko Samuel John Edmonds. Ko ia te ētita o Te Korimako (1882-1888). E kīa ana, ko tērā te niupepa tuatahi e tuhituhia katoatia ana ki te reo Māori.

Kāore i te pērā rawa ōku pūkenga tuhituhi, engari i runga i taku mihi ki te hunga i whakatō i tēnei reo rangatira ki roto i ahau mai i te tau 1971, me te mihi ki tōku tīpuna nō tērā atu rau tau, a Te Irimana, kua toko ake te whakaaro kia tuhituhia ētahi Kotahi Rau Kupu i ia rā i ia rā. Kāore i kō atu, kāore i kō mai.