E hoko! E hoko!

Kotahi rau kupu (kāore i kō atu, kāore i kō mai) #63

Ina hurahuratia te kiko o ngā kauhau nui a Rakihana rāua ko Hīmoa i ngā rā tata nei, ka kitea te rite pū o te pae tawhiti e whāia ana e rāua.

E rapurapu rauemi ana rāua mā ō rāua hoa whairawa o tāwāhi e warawaratia ana e te moni.

Pōhēhē ana rāua, ki te hoko atu ā tātou rauemi ki aua aporawa, mā tērā tātou e tino tipu ai.

Tipu kia aha?

E hiahia ana rānei tātou ki te whanake hei kiriwara, warawara moni ai?

E Hika! Kua kitea kētia te āhua weriweri o te kiriwara.

Auē, taukuri e.