Haina
Kotahi rau kupu (kāore i kō atu, kāore i kō mai) #205
Kua tae te rongo ka haere te Pirimia ki Haina.
Mai i ukiuki rā anō tō Haina ahurea, ō rātou reo, me ā rātou tikanga tuku iho. Kāore rātou i te iwi kua tino tāmia e ētahi atu, kaore hoki rātou i te iwi e tino tāmi ana i ētahi atu. Arā, he iwi taketake rātou.
Ko te mea nui ki a rātou, ko te iwi.
Kua whāki te Pirimia i tana mīharo ki te whanaketanga a Haina, engari, ki tāku, kāore ia i te paku mārama ki tōna pūtake.
Ko te mea nui ki a ia, ko te mākete.
