Hārakiraki
Kotahi rau kupu (kāore i kō atu, kāore i kō mai) #184
E mīharo ana ahau ki te hinengaro rangirua o te Minita Pūtea.
Ina kōrero ia ki ngā tari kāwanatanga, ko “Kia matapiko” te pepeha.
Engari, “Kia māhorahora” te pepeha ina huri ia ki ngā kaipakihi me tana kī ki a rātou, māna te tāke 20% e muku ina hokona e rātou he taputapu hou mō ō rātou pakihi.
Ko tēnei te kaupapa hou māhorahora rawa atu o te tahua putea.
$1.7 piriona ā-tau tōna whakaawhiwhitanga, engari, ki tā te Minita, tonoa mai, he puna kore mimiti.
Manohi anō, nāna hoki te puna mā ngā kaimahi wāhine i whakamimiti.
Hārakiraki!
