He ahurea anō
Kotahi rau kupu (kāore i kō atu, kāore i kō mai) #188
I tērā wiki ka kore āheitia e te kāwanatanga tētahi waeture, nā Te Kaunihera Mātauranga Ture o Aotearoa, hei whakauru i te tikanga Māori ki ngā tohu matauranga ture o Aotearoa.
He aha ai?
Nā te whakapae a tētahi rōia, e ngana ana te kaunihera ki te whakahau i te ahurea o tētahi wāhanga o te hapori ki runga i te katoa.
Te hia kore i kite, ko “te whakahau i te ahurea o tētahi wāhanga o te hapori ki runga i te katoa” te tino tautuhi o te tāmi a te ao Pākehā ki runga i te ao Māori!
