He Kāwanatanga Rangirua

Kotahi rau kupu (kāore i kō atu, kāore i kō mai) #202

Ki tā te Manatu Waeture a Minita Hīmoa mā, he nui rawa te tēpa whero e pīroiroi ana i ngā tāngata whairawa e hiahia ana ki te rāwekeweke i ngā rawa kia piki ai te ohanga. Ki tā Hīmoa mā, me ruarua rawa ngā whārangi ture ka tika.

Mānohi anō, ki tā Minita Erika mā, me āta whakature ngā pitopito katoa o ngā paerewa ako kia rite pū mā ngā akonga katoa, ahakoa ngā āhuatanga, ngā ahurea, ngā aha ake o te akonga. Nā konā, ki tā Erika mā, me maha rawa ngā whārangi o ngā marautanga hou ka tika.