He oruatanga
Kotahi rau kupu (kāore i kō atu, kāore i kō mai) #181
E rua ngā putanga whakahirahira i ngā rā tata nei.
He pakipūmeka, nā Mihingarangi Forbes me Te Reo Irirangi o Aotearoa, kātahi.
Ka rua, ko Te Tahua 2025, nā te kāwanatanga.
He nui taku mihi ki a Mihingarangi, nāna i āta ketuketu i ngā pae tawhiti me ngā kaupapa pōti a Rāwiri Hīmoa kia kitea ai e te ao whānui.
Kāore i te pērā taku mihi ki te Minita Pūtea, me tōna tuarua, taua Rāwiri Hīmoa anō, nāna te pūtea mā Te Reo Irirangi o Aotearoa, i poro, mā te 7%.
Kei werohia pērātia anō rāua e ngā kaipāho whakawā.
Me whakamihi a Mihi ka tika. Me kore ake a ia, kātahi anō ka kitea te pōkaikaha me te arero rua a Hīmoa.