He Pae Hinga kē
Kotahi rau kupu (kāore i kō atu, kāore i kō mai) #261
I te Ture Pae Ora 2022 ka whakatūria ngā Poari Rangapū ā-Iwi whai mana kia hono ake ai Te Aka Whai Ora ki tēnā rohe ki tēnā rohe.
Nō te turakitanga o Te Aka Whai Ora ka mea atu te kāwanatanga, kaua e māharahara Māori mā, ka ora tonu aua poari.
Kātahi te kōrero tinihanga ko tēnā!
Kei mua i te kāwanatanga i tēnei wā ko te pire Pae Ora hou e tangohia atu ai te mana o aua poari kia huri rātou hei kaiwhakawhitiwhiti whakaaro noa iho.
He Pae Hinga kē ngā ture Pae Ora o te kāwanatanga nei!
