Ngā hoa mitimiti tou (2/2)

Kotahi rau kupu (kāore i kō atu, kāore i kō mai) #29

I hui ngā hoa mitimiti tou o te tino kaihokohoko, a Kiritopa Rakihana (Te Korimako #28), ki runga i tētahi o ā rātou maunga moni whakamanamana ai.

Ka mea a Hone Kī ki te minenga, “I ō mātou wā, nā te Tiriti, kāore i taea e mātou ngā pokapū kawanatanga katoa te hoko”.

“Kāore he raruraru,” tā Kiritopa, “Mā te Pire Mātāpono Tīriti ka hinga taua taiapa.”

“Me te aha anō,” tā Hīmoa, “Mā taku pire Paerewa Waeture ka taea e tātou ā tātou maunga moni te whakapiki ki ngā rangi tūhāhā.”

Pakipaki kaha ana rātou ki a rātou anō.