He rangirua
Kotahi rau kupu (kāore i kō atu, kāore i kō mai) #157
E maumaharatia ana te pōraruraru whare turuturu, me ōna kaupoai katoa. Me te aha anō, e tārewa ana ētahi o ōna raruraru i tēnei wā tonu.
Ahakoa tērā, kātahi tonu ka pānuitia e te kāwanatanga tētahi kaupapa hou e tukua ana, mā te kaihanga, kāmura mai, mataaro kōrere mai, mataaro waikeri mai, māna anō āna hanga e arotake, e tiwhikete hoki.
Engari, he kāwanatanga tēnei e kore e tino whakaae, me āhei e te kaiwhakaako te mahi a ana akonga i Te Tiwhikete Mātauranga a Motu te arotake, te tiwhikete hoki.
E rua ngā rangi a tēnei kāwanatanga.
He rangirua.
