He tauira

Kotahi rau kupu (kāore i kō atu, kāore i kō mai) #85

I tērā wiki i whakanuia te hainatanga o Te Tiriti o Waitangi ki Māngungu.

E 64 ngā tāngata i haina i te 12 o Pēpuere 1840. Ko tērā te tokomaha ake o ngā kaihaina i tētahi rā kotahi, o ngā wāhi katoa o Aotearoa.

Ki tā te Kahika o Te Kaunihera o te Hiku o te Ika, tā Moko Tepania, he tauira tērā mā ngā uri me te hapori whānui.

Ko te tūmanako, ā te pōti ā-kaunihera kei te tū mai a te Oketopa, kei taua kaunihera te tokomaha ake ōrau e pōti ana, o ngā rohe katoa o Aotearoa.