He teka te teka
Kotahi rau kupu (kāore i kō atu, kāore i kō mai) #456
E hika, kua toru wiki atu i te tuku hamuti ki te Moana o Raukawa ka auau teka tonu ngā arapāho katau ake, ānō nei nō ētahi wāhine Māori tokotoru te hē, he kaikaunihera, he kahika, he minita kāwanatanga ā-rohe; ahakoa kua heke kē rātou i aua tūranga.
Ānō nei hoki ina kaha auau i te teka, ka huri merekara rawa hei meka!
Aroha atu ana ahau ki a Tamatha, ki a Tory, ki a Nanaia.
Kei horomia ana taua teka, kāore i tino kitea te hē o te tuku kirimana tūāhanga ki ngā pakihi whai huamoni nō whenua kē.
