Hōhā pai
Kotahi rau kupu (kāore i kō atu, kāore i kō mai) #503
Hōhā pai ana ahau i tētahi kaikaunihera me ana apataki e popō ana ki te whakahāwea i te Kahika, i te Kohepū, me ngā kaikaunihera whai tikanga katoa o Te Kaunihera o Te Hiku o te Ika.
He rite ngā rautaki o aua kaipopō ki ngā rautaki a ngā kaitōrangapū taha katau o te ao Pākehā whānui me ō rātou kaitautoko, arā, te māminga, te kaikiri, me te kaha auau i te teka.
Ānō nei nā konā ka huri aua teka hei meka.
Heoi anō, e tautoko mārika ana ahau i te kaunihera, hāunga taua kaipopō me tana pōti kotahi.
