Huti huruhuru
Kotahi rau kupu (kāore i kō atu, kāore i kō mai) #56
I te Te Korinako #22 ka kī,
E mōhiotia whānuitia ana, mā te huruhuru ka rere te manu.
Nō wai te whakaaro rorirori kia whakatū i tētahi kaikōmihana hauora, kia huhuti i ngā huruhuru o ngā pūnaha hauora tumatanui, nā konā ka rere tika ai aua pūnaha?
Ko te whāinga huna a Hīmoa rāua ko Rakihana mā, nāwai rā, nā te kore huruhuru ka tata hinga ngā pūnaha hauora o te kāwanatanga.
Kātahi ka toparere mai ō rātou hoa kaiapo tino whai rawa ki te whakarauora i aua pūnaha hei pakihi tūmataiti, kia whiwhi hua nui mā rātou ake.
