Ihu hūpē

Kotahi rau kupu (kāore i kō atu, kāore i kō mai) #117

Ohorere atu au i te rongo, ko tētahi kaupapa kōrero i waenganui i tō tātou Pirimia, rāua ko te Pirimia o Īnia, ko te tū a Īnia ki ngā kirimana ā-ao e pā ana ki te pohū karihi.

I pōhēhētia, i haere a Rakihana mā ki te kōrero i tētahi kirimana hokohoko.

E rongonuitia whānuitia ana tā tātou o Aotearoa kore whakaae, mai rā anō, ki te whakaranea i ngā pohū karihi.

Te āhua nei, nā tō Rakihana ihu hūpē ki ngā tōrangapū ā-ao, kua whakamahia ia e Īnia, hei karetao, ki te tautoko i tā rātou e hiahia ai.