Ikea
Kotahi rau kupu (kāore i kō atu, kāore i kō mai) #376
I tēnei te wā o te īPapa, o te īWaea, me te īMērā, te āhua nei, ko te mea nui rawa atu ki te Pirimia, ki ōna Minita, me ngā arapāho auraki katoa, ko īKea (ko “āe kea” rānei).
Ānō nei, māna anō ngā hekenga ōhanga o Aotearoa e whakapiki ake.
Me whakamā tātou ka tika ki te āhua o te tokomaha i haere ā-hipi ki te kaha tautoko i te whakatūwhera i tētahi tohu mārika o te ao o te hunga whairawa.
Ka mutu, nō iwi kē tērā momo “Kea”. Riro katoa ai ngā tino hua i a rātou.
