Ka mau te hāpara
Kotahi rau kupu (kāore i kō atu, kāore i kō mai) #58
Ahakoa kua tīmata kētia te huhuti i ngā huruhuru o ngā pūnaha hauora tūmatanui, tērā pea, e kore e taea e tō Reti ngākau aroha te toki te mau kia poro rawatia ō rātou kakī.
Me mihi ki tōna ngākau ka tika, ahakoa he pakihi hauora tūmataiti tōna.
Kua tuku kē te toki ki a Himiona. Kua kitea kētia tana kaha mau hāpara ki te whakakī puare me te whakamate kaupapa.
Ko tāna, ko te hāparapara ake i ngā maramara o ngā pūnaha hauora tūmatanui kia koha tika atu ki ngā kaiwhakapatipati tino whairawa hei hanga pakihi hauora tūmataiti.
