Kāinga Ora

Kotahi rau kupu (kāore i kō atu, kāore i kō mai) #449

E whakapehapeha ana a Minita Pīhopa rāua ko Minita Pōtaka nō te kakama a Kāinga Ora ki te huri rawa ki te “huarahi tika”.

Ki tō rāua tino pākiwaha kei te tino kaha a Kāinga Ora ki te penapena pūtea, ānō nei ko tēnā tana whāinga nui rawa.

Kei poho kererū ana rāua ki te penapena pūtea a Kāinga Ora, e whitu ngā marama e tū tahanga ana ētahi wāhi noho hou e 30 kua oti kē te hanga, ki Ahuriri.

Nō tā rāua “huarahi tika” hou, ka rapurapu tonutia tētahi hunga kē atu hei kaiwhakahaere mō aua whare rēti.