Ki tā Hingapoa
Kotahi rau kupu (kāore i kō atu, kāore i kō mai) #143
Ki tā te Pirimia o Hingapoa, e hia kē ngā tau e ū nei Te Pūnaha Hokohoko ā-Ao (WTO), me Amerika katoa, ki ngā ture me ngā tikanga mārama e pā ana ki te hokohoko herekore.
Hei tāna, kua mōhio kētia e ngā whenua maha, ka taea taua pūnaha me ōna tikanga te whakapai ake, engari, ko tā Amerika pahupahu i tēnei wā, me whakakore rawa atu taua pūnaha, nāna anō i hanga.
I pērā rawa ngā āhuatanga ōhanga o te ao i te tau 1930. Ko tōna whakaotinga ake, ko Te Pakanga Tuarua o te Ao.
Auē, taukuri e!
