Ko tā te tino kūware ko te kore aro ki te ako
Kotahi rau kupu (kāore i kō atu, kāore i kō mai) #226
Kua kitea tētahi kī e pā ana ki tā ētahi kaitōrangapū, arā:
“Kāore te tino kūware i te kore mōhio, ko tā te tino kūware ko te kore aro ki te ako.”
Ki tā te Pirimia, ahakoa kua tau ā-rangahau te kore whai hua o ngā puni pūtu, ehara tēnā i te aha ki a ia, me hanga puni pūtu ka tika.
I tērā wiki, ki tā tētahi Minita, he whiringa āhua noho nā rātou, te moe ā-tiriti.
Tauira atu, tauira mai, koinā te āhua o tēnei kāwanatanga.
E hika! Ina whakatairangahia te kūware, nau mai te kore oranga.