Ko te moni te aronga nui?
Kotahi rau kupu (kāore i kō atu, kāore i kō mai) #199
Nā te pānui kua puta i te kaiōhanga o tētahi Pātītī Kirihou kua kitea tā rātou aronga, arā, “he moni, he moni, he moni”.
Ko te Pātītī Kirihou tētahi momo rōpū e hangarau ana, ānō nei, he rōpū harakore, he rōpū whai matatika, he rōpū ā-hapori. Engari, ko tāna tinihanga ake, ko te mahi tōrangapū huna.
Kātahi tonu ka kite aroha kore taua kaiōhanga i ngā raruraru o ngā whare wānanga o Amerika, hei whakawhiwhi moni mā ngā wānanga o Aotearoa, mā te whakatuwhera ki ngā ākonga Amerikana.
Ānō nei, ko te moni te tino aronga nui o te wānanga!
Kei te tika tahau. Ka tihoretia Amerika e te auetanga o te tini o te manuwhiri kore whairangatira. Ma matou e tautoko nga hapori whai tikanga I roto I te puehutanga.
Tēnā koe JD e whai whakaaro ana ki te tuhituhi mai.
Ahakoa kua pērā i raro i ngā kaupapa o ngā kāwanatanga e aro ana ki te whakatūmataiti i ngā mea katoa hei pakihi, tae atu ki ngā kura, kāore rawa au i whakaae ki taua aronga. Me waiho kia tūmatanui ngā umanga mātauranga kia aro pū ki ngā akonga o Aotearoa ake, kia kaua e aro ki te patipati moni nui i ngā ākonga nō tāwāhi kē.
Ki ōku whakaaro, ko te mea nui kia tika atu ngā huarahi whakawhiwhi tāke kia taea ai e te kāwanatanga te toha atu te putea e rawaka ana mā ngā umanga mātauranga tūmatanui.