Ko te “rēti”

Kotahi rau kupu (kāore i kō atu, kāore i kō mai) #397

Ko te “rēti”, me ōna katoa, kairēti, kaituku rēti, rētitanga, rētingia, rētiaha rānei, te pūtake o te momo ōhanga e herea ana a Aotearoa i tēnei wā.

Kua herea tātou e rātou e apoapo ana i ngā rawa mā rātou ake, whenua mai, whare mai, rawa taiao mai, pūtea mai.

Kia noho rawakore ai te marea hei tangata noho nama ki a rātou, hei kaihokohoko, hei kairēti whare, aha atu, aha atu.

Ka mutu, ka patipati ā-moni rātou ki te kāwanatanga mātāpono kore kia wetewetehia ngā here e pā ana ki tā rātou kaiapotanga.

Me pēhea tēnā e panonitia ai?