Kua ohooho

Kotahi rau kupu (kāore i kō atu, kāore i kō mai) #185

E manawa reka ana ahau ki te rongo i te whakawhāititanga a ētahi wāhine toa ki te whakatū i “Te Komiti Kōwhiri a te Iwi.” Nā te ture hou i rāwekeweke i ngā utu wāhine rātou i whakaohooho.

Tekau rātou. He mema pāremata o mua te katoa. E hiahia ana rātou ki te rongo i ngā tāpaetanga a te iwi e pā ana ki taua ture i whakaaetia mākūwaretia e te kāwanatanga.

Kātahi te rautaki e āta wero ana i te kāwanatanga pokerenoa ko tērā.

Kua whakaoreoretia rawatia ngā wāhine. Ā te pōti kāwanatanga ā-motu pea ka kitea te hua.