Mā wai te mānuka e tiki atu?

Kotahi rau kupu (kāore i kō atu, kāore i kō mai) #171

Mārama pū ana ki ahau ko tētahi o ngā tino raruraru tōrangapū o Aotearoa nei ko te kore whai whakaaro ki ngā āhuatanga tāke e matatika ana ki te katoa, whairawa mai, waenganuirawa mai, pohararawa mai.

I ngā rā tata nei, ka tauiratia te hua o te kore whai moni tāke e rawaka ana kia ora tika ai ngā ūmanga kāwanatanga, hauora mai, mātauranga mai, aha atu mai. Arā, ka aukatia te whai haere i te utu matatika mā te kaimahi wahine kia penapena ai te pūtea kāwanatanga.

Mā wai te mānuka tāke rawaka e tiki atu?

He kāwanatanga hou?