Mahi heahea

Kotahi rau kupu (kāore i kō atu, kāore i kō mai) #476

I tērā tau ka whakakorea e Te Whatu Ora ngā kaupapa hangarau 136 kia whakarerea ai ngā mātanga matihiko tata ki te 1,000.

Nō te Hānuere ka kitea te hua o taua mahi heahea, arā, te mūrere kino rawa o ngā raraunga matawhaiaro o ētahi umanga hauora.

I tēnei marama hoki ka kitea, kua mōhio kētia e Te Whatu Ora, nā aua whakakoretanga ake ka tūraru te tiaki tūroro me te manawaroa o ngā hōhipera.

Nā konā ka kite mārikatia te tino aronga kore o te kāwanatanga ki tō tātou pūnaha hauora tūmatanui.

He tau pōti te tau!

Karawhiua!