Manohi anō
Kotahi rau kupu (kāore i kō atu, kāore i kō mai) #283
Nā ngā rangahau ka mōhio, ko tētahi o ngā tino pūtake o te taihara ko te pōhara.
Engari, ki tā tō tātou kāwanatanga, Ina hara te pōhara, me nui rawa te whiu.
Manohi anō, ki tā taua kāwanatanga ake, ina takahi te kaipakihi whairawa i te ture haumaru kaimahi, me āta āwhina taua kaipakihi kia mōhio haere ki aua ture.
Me te aha anō, ka ngana te minita haumaru kaimahi ki te whakangāwari i aua ture.
Kia mōhio mai tāua, i tērā tau, kua whitu tekau ngā kaimahi i aituā kia mate, hāunga te tokomaha i whara!
Auē taukuri ē!
