Mātāpono kore
Kotahi rau kupu (kāore i kō atu, kāore i kō mai) #322
Mātāpono kore ana te kāwanatanga nei ina whakatū i tētahi kura rata hou, nui rawa te utu, ki Waikato.
Āe, me tokomaha ake ngā ākonga o ngā kura rata o Aotearoa ka tika.
Engari, ki ngā mātanga o Te Tai Ōhanga, ngā kaitiaki pūtea o te kāwanatanga, he pai atu te whakanui ake i te pūtea mā ngā kura rata i tū kē ki Ōtākou, ki Tāmakimakaurau hoki, kia tokomaha ake ai ō rātou ākonga rata.
Engari kāore ngā minita i te paku whakarongo ki ngā mātanga.
Ka whai kē rātou i ngā tono a ō rātou hoa whakapatipati whairawa.
