Māteatea ana
Kotahi rau kupu (kāore i kō atu, kāore i kō mai) #463
Nō te arero tarapepe o te pirimia he uaua te whakamārama atu i te tū a tō tātou kāwanatanga ake ki tā Amerika pakanga ki Īrāna.
Manohi anō, e mārama kehokeho ana te tū a Helen Clark. Hei tāna, e māteatea ana te tauākī a te kāwanatanga e pā ana ki te kaha whakaeke a Amerika me Iharaira i Īrāna. Ka mutu, e mōhiotia ana, kua whatia rawatia e rātou te ture ā-ao.
E mārama ana hoki te tū a Te Pāti Māori e whakahē ana i te kī, mā te whakaekenga, mā te pakanga, ka houhou i te rongo.
