Me mataara
Kotahi rau kupu (kāore i kō atu, kāore i kō mai) #289
Kua tīmata te wā pōti mō ngā kāwanatanga ā-rohe.
Me mataara tātou i te mahi a ngā apataki o Te Uniana Kaiututāke me ōna hoa o Te Oati a Hopihana.
Nō te taha katau ake aua rōpu. Ka whai rātou ki te whakatūmataiti ake i ngā ratonga kaunihera, me te whakakore ake i ngā wāri Māori me ngā aronga Māori katoa.
Ina oati tētahi kaitono kaunihera, kia kore rawa ia e whakaae ki te pikinga reiti ahakoa he aha, ka mōhiotia, he waha huka tōna.
Me te aha anō, kaua e wareware ki te tautoko ā-pōti i ngā wāri Māori.
