Me mate ururoa
Kotahi rau kupu (kāore i kō atu, kāore i kō mai) #187
E hika, nā te tukituki a ngā āhuatanga tōrangapū i ngā marama tata nei, hāmene mema Māori mai, tāmi kaimahi wāhine mai, tahua pūtea mai, pire paerewa waeture mai, tērā pea, e ngenge haere tātou e whai whakaaro ana ki te mea nui o te ao, arā, he tāngata, he tāngata, he tāngata.
Heoi anō, e āwangawanga ana ahau i tētahi pānui kua tohaina e te Uniana Kaiututāke, e akiaki atu i ōna apataki taha katau ki te whawhai ā-pōti mō ngā kaunihera ā-rohe, me ngā wāri Māori, ā ngā marama tata nei.
Me mate ururoa, kīhai e mate wheke!
