Meinga meinga!
Kotahi rau kupu (kāore i kō atu, kāore i kō mai) #172
Inapō ka pānuitia e te tiamana o te Komiti Whai Mana o te Pāremata ngā whakawhiu taumaha ake o ngā whakawhiu katoa o taua komiti.
Kua whakatārewa koreutu a Rāwiri rāua ko Debbie i te mahi mō ngā rā e 21, ā, kua pērā a Hana-Rāwhiti mō ngā rā e whitu.
Ki tā te whakatau, nā rātou pea ngā mema pāremata i whakawehi.
Meinga meinga!
Kāore tahi i whara, i mate rānei. Kāore tahi hoki i āta kangahia, i āta makutuhia.
Ko tā rātou hara te mutunga kē mai o ngā hara kino rawa katoa i whakawātia e taua komiti?
