Ngā Niupepa o Neherā

Kotahi rau kupu (kāore i kō atu, kāore i kō mai) #42

I tērā wiki i manaakitia ahau e Mark Apperley, tōku tuakana, rāua ko tōna hoa rangatira, ki Whāingaroa.

He Ahorangi Waihanga Pūmanawa Rorohiko a Mark ki Te Whare Wānanga o Waikato.

He mokopuna tuarua māua tahi ko Mark nā Samuel John Edmonds (Te Irimana). He kaituhituhi, he kaiwhakahaere hoki, a Te Irimana, i te niupepa reo Māori Te Korimako (1882-1888).

Ko tētahi o ā Mark kaupapa maha ko te mahi tahi me tētahi rōpu e whakamatihiko i ngā niupepa me ētahi atu tuhituhinga nō neherā, arā, ko “Ngā Niupepa o Neherā”, he tino rauemi ipurangi tūmatanui.

Tirohia!