Ngātahitanga
Kotahi rau kupu (kāore i kō atu, kāore i kō mai) #72
I ngā tau tata nei kua whakahōungia te wharenui o Te Tiriti o Waitangi Marae.
He mahi nui tērā, me te aha anō, ahakoa te rongonui o taua marae, he tokoiti ōna ahikā.
Inanahi, ao ake i te ata, nā Ngāti Rāhiri ki Taranaki te kawa i taki.
He tokomaha rawa ngā kaitautoko, ā, kei runga noa atu ngā whaikōrero.
I te ahiahi i pōwhiritia te Kāwana Tianara ki Ruarangi.
Tētahi take i kōrerohia ki Waitangi Marae, e Ruakere Hond, i tautokohia hoki ki Ruarangi, e Alana Thomas, tērā pea, he pai ake te “ngātahitanga” i te “kotahitanga”.
Āta whakaarohia.
