Ōhanga ki runga, oranga ki raro

Kotahi rau kupu (kāore i kō atu, kāore i kō mai) #186

Nō te arotahinga o te kāwanatanga Reipa mai i te tau 2019, ka whakatakotoria ngā Tahua Pūtea Oranga Tonutanga.

Kāore te ōhanga i te kaupapa whakamutunga o aua Tahua. Ko ōna kaupapa kē, ko te oranga tonutanga, taiao mai, tāngata mai.

Ko te ōhanga tētahi huarahi e aro ana ki taua oranga tonutanga.

Engari ki tā te Minita Pūtea Nāhinara o ināianei, kei runga rawa atu te ōhanga hei whāinga ake.

Nāna i muku rawa atu ngā aronga ki te oranga tonutanga i tana Tahua Pūtea.

Ki tāna, kei runga te ōhanga, kei raro te oranga, taiao mai, tāngata mai.