Pāpā Winitana
Kotahi rau kupu (kāore i kō atu, kāore i kō mai) #429
I ngā rā tata nei, mā runga i te pae pāpori “X”, ka whakamihi atu a Pāpā Winitana i a Tānapu, nāna Amerika i whakamawehe i te Tōpūtanga Hauora o te Ao.
Ka ngana ia ki te whaiwhai i te pīhau o Amerika, me te kī, he moumou moni te tuku pūtea ki ngā Tōpūtanga ā-Ao.
Ahakoa, kāore he aha ki tana pāti te tuku i te $300 mīriona ki ngā pakihi tupeka.
Ka mutu, ko wai kē te Minita Kāwanatanga ki te pānui i te kaupapa here ā-ao mā runga pae pāpori?
Ko Winitana rānei te Tānapu o Aotearoa?
