Pōtaka Porotiti

Kotahi rau kupu (kāore i kō atu, kāore i kō mai) #60

Kāore rawa e taea e au ngā whakatau a Pōtaka i ngā rā pahure tata nei te whakamārama.

Nā wai hoki te whakaaro kia panaia ngā ahorangi e toru o Te Rōpū Whakamana i te Tiriti o Waitangi, tuatahi?

Tuarua, kua whakatūria he tokotoru kua whakahē mārika i ētahi kaupapa e pā ana ki te mahi tahi a te karauna me te iwi Māori.

Ki tā Pōtaka Porotiti, nā te pana i aua ahorangi Māori, me te whakatū i aua karetao o te taha katau, kua taurite ngā pukenga o ngā mema.

E hika, kātahi te whakataurite rorirori ko tērā!