Roromitia te ngārara
Kotahi rau kupu (kāore i kō atu, kāore i kō mai) #302
Nā te tatauranga kātahi tonu ka puta ka kitea, he ngutu kau te pēpeha “E tipu, e tipu, e tipu” a te ngārara upoko toru e whakamātauria ana hei kāwanatanga i tēnei wā. Me tō rātou whakapae, kei a rātou ngā tino pūkenga whakahaere ōhanga katoa.
E hoa mā, kua kitea mārikatia, ko te mutunga kē mai o te kōrero a te whakaputa mōhio ko tērā.
Me āta whakangārahu rautaki tātou kia roromi i te ngārara nei, kia kuhuna tahi ai te miro whero, te miro pango, me te miro kākāriki, hei kāwanatanga ā te tau kei te heke mai.
