Tāke hokohoko
Kotahi rau kupu (kāore i kō atu, kāore i kō mai) #141
I ngā rā tata nei kua kitea te kaha pōhauhau o te Perehitini o Amerika i whiuwhiu tāke hokohoko ki tēnā whenua ki tēnā whenua. Ko tōna tino hoariri hokohoko, ko Haina.
Engari, ki tā tētahi kaitātari Hainamana, kāore he tino aha ki a rātou. I te nuinga o ō rātou tau e 5,000, kāore he “Hononga o Amerika”, engari i ora ai rātou. Ki te kore ngā Amerikana e hiahia ana ki te hokohoko me Haina i runga i te tika, he pai. Ka ora tonu ai a Haina mō ngā tau e 5,000 kei te heke.
