Te hiapai hoki!

Kotahi rau kupu (kāore i kō atu, kāore i kō mai) #235

Kua kitea tētahi tono hou, nā te tumuaki o te Kaunihera Rātonga Ahumoni.

Hei tāna, nā te whakapiki ake o te utu, e kore e taea e ētahi te inihua hauora te whakawhiwhi.

Nā reira, hei tāna anō, me muku e te kāwanatanga, ngā tāke inihua hauora, kia taea ai e te tokomaha taua inihua te hoko.

E hika mā!

Mā tēnā ka aha?

Ka whanake ake ngā ratonga hauora tūmataiti, ka patipati ai i ngā rata, i ngā nēhi, kia tino whakawhiwhi huamoni ai aua pakihi hauora.

Nā konā hoki ka raruraru ngā ratonga hauora tūmatanui.

Te hiapai hoki!