Te Hīkoi
Kotahi Rau Kupu (kāore i kō atu, kāore i kō mai) #2
E kore e taea e te kupu ngā kare ā-roto e pupū ake te kawe, mai i taku hono atu ki te hīkoi i Whangārei, ā, tae noa ki te tū ki mua i te Whare Pāremata.
Atu i ngā hīkoi mā raro ki ngā tāone, mīharo rawa atu ki te tokomaha ake e tūtū ana, pōwhiriwhiri kaha mai ai, i a mātou i hipa atu i tērā kāinga, i tērā pekanga rori, i tērā tāone iti, mai i te tīmatanga tae noa ki te mutunga.
Ki tā Hīmoa he tokomaha ake Ngāi Nohopuku. Kātahi te pōhēhē nui ko tērā!
