Te pēhi kaipōti (1)
Kotahi rau kupu (kāore i kō atu, kāore i kō mai) #246
Kua kōrero kētia e Te Korimako #88 te kaha whakahekenga o te tokomaha o ngā kaimahi o Te Kaitaki Take Kōwhiri hei kaupapa pēhi kaipōti.
Nā te maurirere o te kāwanatanga katau ki te whakaohoho o te taha mauī, ka pōnānā rawa rātou ki te kapo atu i ētahi kaupapa whakapēhi pōti anō.
Mōhiotia ana, “Ina pōti a mauī, ka toa a mauī”
Anā! Kātahi tonu ka kitea te whakapēhi pōti hou.
Engari, ki tā Te Mana Arotake o tēnei kāwanatanga ake, ina whakaturehia te ritenga pōti kua whakatakotoria, he 100,000 pea ngā kaipōti e whiua ana ki rāhaki.
